Galicia ofertará máis de 50.000 prazas de FP de novo ingreso no próximo curso
Alfonso Rueda sinala o éxito destes estudos e a súa alta demanda que fai que cada curso se supere o récord histórico de matrículas
O Consello da Xunta aprobou este luns a oferta de Formación Profesional para o próximo curso académico que superará as 50.000 prazas de novo ingreso, un milleiro máis que no anterior.
Segundo destacou o presidente da Xunta, Alfonso Rueda, o éxito destes estudos medra cada ano, e neste próximo 2026-27 volverase a bater o récord histórico de matrículas.
Entre as novidades do próximo curso, Rueda destacou a posta en marcha do primeiro ciclo internacional de FP nun centro público de España, que combinará o currículo galego e británico nun ciclo superior de Desenvolvemento e aplicación de multiplataformas que se imparte na Coruña.
