Galicia non descarta recorrer o financiamento autonómico proposto polo Goberno central
Rueda agarda non ter que ir aos tribunais pero farao se é a única forma de defender os intereses dos galegos
O presidente da Xunta cualifica a proposta que Sánchez pactou con ERC de demoledora para a nosa comunidade
O presidente da Xunta, Alfonso Rueda, aposta por negociar o financiamento entre todas as comunidades. Lamenta que a proposta do Goberno central non teña en conta nin a dispersión nin o envellecemento da poboación.
Rueda agarda non ter que recorrer aos tribunais pero non o descarta se este, di, é o único xeito de defender os intereses dos galegos:
"A min non me gustaría que esta fose a solución pero se o deixan como último recurso non imos renunciar a iso".
Rueda contrapón as políticas da Xunta e as do Goberno de Sánchez en materia de vivenda:
"O Goberno central anunciou 184.000 vivendas en toda España, en Galicia non se fixo ningunha e agora volve a prometelas outra vez. A Xunta comprometeuse a acabar a lexislatura con 8.000 mil vivendas. 3.000 xa están en execución e as outras mil estarán durante este ano".
O presidente Rueda pídelle ao Goberno que impulse a conexión por AVE entre Galicia e Portugal.
