Galicia acada as 70.000 persoas dependentes con prestación asistencial

A atención aos maiores e ás persoas con discapacidade é unha prioridade para a Xunta, di, o presidente Alfonso Rueda, que lembra que neste mesmo concello de Mos están construíndo unha das primeiras residencias públicas de coidados intermedios de España.

O presidente destaca que Galicia pasou de ter en 2009 14.000 persoas cunha prestación por dependencia ás 70.000 actuais. Recíbena o 97 % dos que a teñen recoñecida.

O novo centro de día de Mos ofrece 25 prazas de atención, ampliables a 40. Conta con servizo de enfermería, ximnasio, sala de actividades e cociña.