Francia identifica unha nova variante de coronavirus procedente do Camerún

Investigadores franceses identifican unha nova variante de covid que ten 46 mutacións, é dicir, aínda máis que ómicron.

Bautizada co nome de IHU, como o Instituto Hospitalario Universitario de Marsella que a illou, da nova variante están secuenciados unha ducia de casos, todos veciños da rexión de Marsella, no sur de Francia e todos asociados con viaxes ao Camerún.

IHU é unha das dúas derivadas da cepa B.1.640 que se localizara a finais de setembro na República do Congo. Unha das súas variantes asóciase cun posible aumento da transmisión do virus.

O estudo que identificou IHU está pendente de validación. O Instituto Hospitalario Universitario de Marsella é un centro de referencia de enfermidades infecciosas.