Fran Justo e Rubén Albés, duelo en Segunda entre a nova fornada de técnicos galegos

Non hai marxe de erro para o Lugo. Esta fin de semana visita o Albacete no Carlos Belmonte. Un equipo que acaba de ascender, que ocupa postos de promoción para o ascenso e que lidera un vello coñecido, Rubén Albés.

Penúltimo na táboa, o Lugo necesita sumar urxentemente para poñer distancia co descenso. A salvación está agora a catro puntos. O Albacete, pola contra, non perde dende o 3 decembro. Busca a terceira vitoria consecutiva. Rubén Albés non quere excesos de confianza. 

Os de Fran Justo levan cinco derrotas en seis partidos, as tres últimas consecutivas. Na casa do Albacete, e coa mesma precisión coa que alá se coida do céspede, agardan romper a mala serie.