Finaliza unha complexa fin de semana de tráfico nas estradas

Esta próxima medianoite remata o operativo especial de tráfico nesta ponte festiva. A Garda Civil multiplicou a vixilancia nas estradas galegas, onde desde o inicio do dispositivo, o venres pasado, non se rexistrou ningunha vítima.

A operación especial de Tráfico oriéntase tanto aos movementos de longo percorrido motivados pola ponte de Todos os Santos coma aos de curto, relacionados coas visitas aos cemiterios.

Para garantir a fluidez do tráfico, os axentes fan controis aleatorios nas estradas, nos que, ademais de comprobaren a velocidade e a documentación, vixían que os condutores cumpran con todas as normas.

Nesta ponte festiva a chuvia é un factor que está a afectar á condución, así que, hai que extremar as precaucións ao volante. Coincide ademais co cambio de hora, que fai que escureza antes, o cal incrementa os riscos porque a condución nocturna é máis perigosa.

O dispositivo especial manterase ata o luns ás doce da noite. Polas estradas galegas, Tráfico prevé que pase o nove por cento de todo os desprazamentos que se agardan durante esta ponte.