En liberdade o condutor que atropelou mortalmente un motorista de 50 anos en Lugo
O home terá que presentarse todas as semanas no xulgado e non poderá conducir vehículos nin saír do país
O autor do atropelo, un veciño da cidade de 65 anos, deu unha taxa en alcol tres veces superior á permitida pola lei
Queda en liberdade o condutor detido en Lugo por homicidio imprudente, tras levar por diante un motorista de cincuenta anos que estaba parado nun semáforo. O home terá que comparecer semanalmente no xulgado, retiróuselle o carné de conducir e o pasaporte.
O condutor triplicaba a taxa de alcol permitida pola lei cando foi sometido á proba. O motorista faleceu a causa do impacto
O accidente produciuse ás 23:30 horas da pasada noite na confluencia da Rolda do Carme coa Rúa Santiago. O condutor impactou co seu vehículo contra a moto parada.
A causa do golpe, a motocicleta foi desprazada “violentamente” e o condutor quedou tirado sobre a calzada.
O médico do 061 que acudiu no seu auxilio só puido certificar o seu falecemento.
