Estrea en Vigo o filme "Romería" da directora Carla Simón
A recoñecida directora rodou en Vigo a historia de seus pais nos contraditorios anos 80
Este martes estreouse en Vigo o filme "Romería" da laureada directora Carla Simón quen pecha aquí a triloxía iniciada con Verán 1993 e Alcarràs.
Simón aborda aquí a vida de seus pais biolóxicos a quen apenas coñeceu e morreron vítimas da heroína e a SIDA. O filme é unha película reparadora en que quixo levar ao celuloide o que non puido vivir canda eles. Un traballo feito desde a empatía e mesmo o recoñecemento.
Rodada en Vigo e arredores, tamén boa parte do cadro técnico é galego e moitos dos seus actores: Janet Novás, Sara Casasnovas, Miriam Gallego, Tristán Ulloa ou José Ángel Egido.
Non os seus protagonistas Llúcia García e Micht que fixeron un gran esforzo con meses de ensaio para poder revivir os anos oitenta e os tempos da movida e da heroína, tan alleos á súa xeración.
O auditorio Mar de Vigo quedouse pequeno para a proxección que contou con moitas caras coñecidas do audiovisual, nesta película que contou co apoio da TVG.
Na proxección estiveron presentes o Conselleiro de Cultura. José López Campos, o director de proxección social da Corporación, Xaime Arias, e a Ministra de Traballo Yolanda Díaz ou o alaclde de Vigo
