Espe Pizarro: “Non eramos as mellores gañando 1-6, nin tampouco somos as peores agora”
Espe foi convocada pola selección do Uruguai para disputar dous partidos amigables fronte a Ecuador
Catro goles e dúas asistencias nos últimos catro partidos e un nomeamento a mellor xogadora da liga F no mes de febreiro. Así arrincou o 2026 para unha Espe Pizarro que, despois dun inicio de tempada dificultosa polos problemas físicos, xa lidera ao Deportivo.
Esta foi unha semana tranquila de adestramentos tras a dura derrota ante o Sevilla.
“Non eramos as mellores gañando 1-6, nin tampouco somos as peores agora que encaixamos catro, así que pola miña banda, moi tranquila. O equipo víñao facendo moi ben. Non creo que fose un golpe tan duro para o equipo".
Espe foi convocada pola selección de Uruguai para disputar dous partidos amigables fronte a Ecuador. Ambos os encontros servirán de preparación para as eliminatorias de clasificación para o Campionato do Mundo de 2027 do mes de abril ante Perú, Bolivia e Chile.
