Escasean os tests de antíxenos nas farmacias tras regularse o seu prezo
Nalgunhas boticas tiveron que vender os tests de antíxenos de stock por debaixo do custo
Case esgotados os tests de antíxenos unha semana despois de que se regulara o seu prezo nas farmacias.
O mesmo que pasa na maioría das boticas, os únicos tests de saliva que teñen son os que asigna o Sergas a cada neno.
O problema que atopan moitos proxenitores é que cando van recoller o que lles corresponde ao seu fillo xa non quedan, e teñen que volver ao día seguinte.
Estoutra farmacia é unha das poucas nas que aínda teñen tests de saliva para a poboación xeral. O seu titular explícanos o motivo da escaseza.
O prezo dos tests de antíxenos, tanto os nasais coma os de saliva, quedou regulado o sábado pasado en 2,94 euros.
Esta regulación disparou a venda nas farmacias destes tests e supuxo que moitos profesionais tiveran que vender o seu stock por debaixo do seu custo.
