En Lugo lembran a alcaldesa Paula Alvarellos no primeiro aniversario do seu pasamento
A socialista faleceu hai un ano de forma repentina, a súa morte causara un grande impacto na cidade
Numerosos veciños acompañaron hoxe a familia e os seus compañeiros de partido e no concello nesta homenaxe
En Lugo hoxe lembraron a alcaldesa Paula Alvarellos finada deforma repentina hai un ano. O seu pasamento causara un grande impacto na cidade.
No acto léronse poemas, un deles escrito polo concelleiro Pablo Permuy falecido tamén en decembro, e escoitouse a canción preferida da alcaldesa, 'La chica de ayer'. Aínda que a socialista, Paula Alvarellos, só estivo a fronte do concello durante 14 meses deixou unha fonda pegada na cidade.
O acto celebrouse no parque Rosalía a onde acodía con frecuencia para gozar da natureza e pasear. Foron moitos os lugueses que non quixeron perderse esta cita e estar ao carón da súa familia neste primeiro aniversario do seu pasamento.
"Era unha persoa con moita empatía, cercanía, sensibilidade, de ahi gran resposta dos lugueses a esta homenaxe", di o alcalde Miguel Fernández, que presidiu o acto.
Ao acto acodiron moitos compañeiros de partido entre eles o secretario xeral dos socialistas, José Ramón Gómez Besteiro, que dixo de Paula Alvarellos que era unha persoa :
"Volcada coas causas sociais, no desenvolvemento da cidade, sobre todo a súa gran humanidade, por iso hoxe está aqui toda a cidadanía luguesa, estamos lembrando que sempre seguirá entre nós"
