O Celta remonta no Coliseum (1-2) e xogará a Europa League oito anos despois
O Xetafe adiantouse axiña cun gol de Borja Mayoral
Os vigueses empataron antes do descanso por medio de Borja Iglesias
Iago Aspas culminou a remontada no treito final cun gol que deixa 7º ao conxunto de Claudio Giráldez
Minuto a minuto
Ás 21:00h comeza o partido do Coliseum. Xetafe-Celta, cos vigueses á busca de pechar a súa clasificación para as competicións europeas. Este é o XI inicial do equipo de Claudio Giráldez
𝑷𝒐𝒍𝒐 𝑹𝒆𝒂𝒍 𝑪𝒍𝒖𝒃 𝑪𝒆𝒍𝒕𝒂... 𝒙𝒐𝒈𝒂𝒓𝒂́𝒏... 🩵#GetafeCelta ⋄ #LALIGAEASPORTS pic.twitter.com/OwwLEtiQu5
— RC Celta (@RCCelta) May 24, 2025
E este é o XI inicial do equipo de Bordalás, que non se xoga nada no envite
La 𝐀𝐋𝐈𝐍𝐄𝐀𝐂𝐈𝐎́𝐍 𝐀𝐙𝐔𝐋𝐎𝐍𝐀 para el #GetafeCelta. 🔥#VamosGeta pic.twitter.com/iXrjf5Dbns
— Getafe C.F. (@GetafeCF) May 24, 2025
Comeza o partido no Coliseum. Xetafe 0-0 Celta
A primeira é para o Celta. Remata Ilaix desde lonxe, e o balón sae lixeiramente desviado
GOL do Xetafe. Marca Borja Mayoral despois dun erro na saída do balón de Guaita. Xetafe 1-0 Celta
Alfon recibe en profundidade, pero o seu centro chut non chega a destino
GOOOOOOOOOOOL do Celta!!!!! Iago Aspas asiste a Borja Iglesias, que non perdoa diante da saída de Soria!!! Xetafe 1-1 Celta, e o equipo vigués volve aos postos europeos
Houbo falta sobre Alfon. E Martínez Munuera, despois de revisala no VAR por se era dentro da área, indica que non houbo nada
Ocasión para Borja Iglesias, que se revolve na área e tira cruzado. Despexa Soria
Córner a prol do Celta que saca Marcos Alonso no primeiro pau. Remata Aspas, arriba
Descanso no Coliseum. Xetafe 1-1 Celta. Este resultado e os empates do Raio e do Osasuna, manteñen sétimo ao Celta, que disputaría a Europa League
Comeza a segunda metade no Coliseum. Xetafe 1-1 Celta
Contra do Celta pola dereita, centra Borja Iglesias e Soria anticípase a Alfon
Centra Marcos Alonso desde a esquerda, e Iago Aspas cabecea de xeito defectuoso desde dentro da área pequena
Ocasión de Alfon, saca Soria a córner
Javi Rodríguez cabecea alto á saída do córner
Outra boa parada de Soria logo dunha internada de ALfon desde a esquerda. O remate final foi de Marcos Alonso
GOOOOOOOOOOOOOL do CELTAAAA!!!! Centro de Williot desde a esquerda, e remata Iago Aspas entrando desde atrás para remontar o partido e consolidar o sétimo posto do equipo vigués, que disputaría a Europa League
Expulsado Domingos Duarte por unha entrada sobre Pablo Durán cando marchaba cara a portería. O árbitro cambiou a cor do cartón logo de consultalo co VAR. Queda con 10 o Xetafe para os 7 minutos de engadido
Xogada persoal de Fer López, que remata desde lonxe e rexeita David Soria
FINAAAAAAAAAL do partido en Xetafe. O Celta remontou o tanto inicial de Borja Mayoral e, cos goles de Borja Iglesias e Iago Aspas, certifica a súa clasificación para a Europa League oito temporadas despois!!!!!!
