O Coruxo queda eliminado dun xeito agónico na quenda de penaltis
O partido entre o Coruxo e o Eldense foi agónico. Adiantouse o equipo galego no primeiro minuto cun gol de Chiqui. Parecía a clasificación na man para os galegos, pero no último minuto do engadido Cris Montes marcou e levou o partido á prórroga (1-1).
No tempo suplementario, Clemente marcou para o Eldense. Xa estabamos no segundo tempo da prórroga, pero o Coruxo mantivo a esperanza e forzou un penalti no 120. Toni Dovale acertou e levou o partido á quenda de penaltis.
Desde o punto fatídico fallaron Andriu e Antón. O Eldense acertou con todos os lanzamentos e estará na segunda eliminatoria.
Minuto a minuto
O Coruxo xoga como local diante do Eldense, un equipo de superior categoría pero ao que intentará superar no seu campo do Vao
Gooooool de Chiqui. Adiántase o Coruxo
Puido empatar o Eldense. Paradón de Alberto Domínguez
Toma e daca. Luismi tentouno para o Coruxo e respostou o Eldense. Non hai tregua no partido
Tempo de lecer no Vao
Gol anulado ao Coruxo por presunto fóra de xogo
Gandoy chega con perigo á frontal e obriga o porteiro do Eldense a facer unha gran parada
Empata Cris Montes na última xogada do partido (1-1). O partido vai á prórroga
Remata a primeira parte da prórroga. Continúa o empate (1-1)
Marca Clemente o segundo do Eldense (1-2)
GOOOOL de penalti de Toni Dovale. Penalti cometido sobre David Añón (2-2)
Na quenda de penaltis fallaron Andriu e Antón de Vicente. O Eldense acertou con todos os lanzamentos e estará na segunda rolda
