O Celta deixa marchar con vida o Vilarreal (1-1)
Os de Carvalhal fixeron 21 lanzamentos a porta e tiraron 13 córners nun acoso que só tivo o premio do empate
Primeiro gol de Strand Larsen coa camisola celeste
Minuto a minuto
Tremendo o recibimento ao Celta. Nótase a importancia do partido diante do Vilarreal
E xa temos o XI do Celta. Óscar por Paciencia, a única novidade
Aquí temos o equipo do Vilarreal, un equipo que encadea cinco vitorias seguidas
Comeza o partido en Balaídos!!!
Gol anulado ao Vilarreal por posición de fóra de xogo de Pau Torres
Gran oportunidade de Gabri Veiga pero Pepe Reina resposta cunha gran parada
0-1 ... Vaia golazo de Gerard Moreno que acerta nun disparo desde a frontal da área
Outra máis para Gabri Veiga!!! Fermosa xogada do Celta pero a defensa intercepta o disparo do porriñés
A terceira que falla o Celta!!!! O tiro de Aspas sae rozando o pau
Probouno Hugo Mallo cun tiro frouxo. Había tempo que non xeraba perigo o Celta
Acosa o Celta metendo moitos balóns na área pero non dá chegado o gol do empate. Meréceo o equipo vigués
Remata a primeira metade. Moreno acertou no primeiro disparo do Vilarreal a porta. O Celta xerou tres ou catro ocasións moi claras pero non tivo tino diante de Reina
Comeza a segunda parte. Luca de la Torre ao campo no lugar de Cervi
Agora é Carles Pérez o que entra no lugar de Mingueza
Tiro de Morales que toca o traveseiro. Serio aviso dos amarelos!!! E Strand Larsen ao campo por Óscar
GOOOOOOL de Strand Larsen!!!! Recibe en posición correcta e sorprende a Pepe Reina!!!
Que xogadón do Celta!!! Define Luca de la Torre rozando o pau. Estivo aí o segundo
Centra Galán e salva Pau Torres o tanto de Larsen. Merece o Celta o segundo
Outra máis, desta volta para Unai Núñez de cabeza rozando o pau!!!
Carles Pérez proba desde a frontal e rexeita Reina
Remata Tapia e paradón de Reina!!! Que último cuarto de hora do Celta!!
Hugo Mallo remata nun córner e para Reina. 20 tiros do Celta durante o partido!!!
