O Celta encadea o segundo triunfo consecutivo no campo do Levante (1-2)
O Levante quedou axiña con 10 por expulsión de Unai Vencedor
Mingueza adiantou aos celestes, pero empatou Arriaga
No tempo engadido, Miguel Román estreouse como goleador para asegurar os tres puntos
Minuto a minuto
Ás 14:00h comeza o Levante-Celta no Cidade de Valencia. Este é o XI inicial de Claudio Giráldez para o partido. Despois da vitoria na Copa, o técnico renova por completo o equipo que xogou o xoves en Asturias
𝑷𝒐𝒍𝒐 𝑹𝒆𝒂𝒍 𝑪𝒍𝒖𝒃 𝑪𝒆𝒍𝒕𝒂... 𝒙𝒐𝒈𝒂𝒓𝒂́𝒏... 🩵#LevanteCelta ⋄ #LALIGAEASPORTS pic.twitter.com/hCVFdWIjQJ
— Celta (@RCCelta) November 2, 2025
E este é o XI inicial que vai presentar o Levante
ALINEACIÓN | Este es nuestro once inicial para enfrentarnos al @RCCelta #LevanteUDCelta pic.twitter.com/QsDj7BHKEv
— Levante UD (@LevanteUD) November 2, 2025
Comeza o partido no Cidade de Valencia. Levante 0-0 Celta
Primeira ocasión do Celta! Ilaix combina con Jutglá, pero finalmente remata alto
Outra aproximación do Celta. O centro desde a esquerda de Carreira envelénase e ten que sacalo Ryan coa man
Queda con 10 o Levante!!! Unha falta de Unai Vencedor sobre Ilaix, castigada inicialmente con cartón amarelo, é corrixida tras consulta co VAR. O xogador ve o cartón vermello directo
Chilena espectacular de Etta Eyong que para abaixo Radu. O porteiro queda tendido no céspede e ten que ser atendido
Penalti a prol do Levante á saída do córner. O árbitro indica mans de Javi Rodríguez no salto
Errou o lanzamento Etta Eyong!!! O seu disparo enganou a Radu, pero estrelouse no pau
Dobre ocasión clarísima do Celta. Primeiro remata Jutglá e despos Borja Iglesias. Ryan responde con dúas grandes paradas
GOOOOOOOOOL do Ceeeeelta!!!!! Remata Mingueza desde a frontal á saída do córner e marca pola escadra!! Levante 0-1 Celta
Marcos Alonso fai unha boa combinación entrando desde atrás e chega diante de Ryan, pero o porteiro tapa ben o remate
Descanso no Cidade de Valencia. Marcha por diante o Celta grazas a un gran gol de Mingueza. O Levante, que errou un penalti, xogará a segunda metade con 10 xogadores pola expulsión de Vencedor
Comeza a segunda metade no Cidade de Valencia. Levante 0-1 Celta
Xogada de Bryan Zaragoza, que remata moi preto do pau longo de Ryan
Centro de Bryan Zaragoza desde a esquerda que remata alto Borja Iglesias
Remate de Etta Eyong ao primeiro pau, e gran parada de Radu
Gol do Levante. Marca Arriaga cun duro remate á saída do córner. Levante 1-1 Celta
Remata Miguel Román desde dentro da área, toca co calcaño Borja e a piques está de marcar o segundo a prol do Celta
El Abdelaoui culmina unha acción colectiva cun disparo desviado
Remata El Abdelaoui unha contra desde o punto de penalti, e crúzase Arriaga para impedir o gol
GOOOOOOOOOOOL do Ceeeeeeltaaaa!!!!Miguel Román aparece no punto de penalti para marcar por baixo a pase de Mingueza. Volve adiantarse o Celta xa no tempo engadido!!!Levante 1-2 Celta
FINAAAAAAL do partido no Cidade de Valencia!!!! Gañou o Celta, que encadea dous trunfos consecutivos grazas a un gol do canteirán Miguel Román no tempo engadido!!!
