Dragan Bender afirma que non quere marchar do Obradoiro

Que non se preocupen os afeccionados do Monbus Obradoiro: Dragan Bender non quere marchar. Ao croata non lle importaría volver xogar na Euroliga ou na NBA .Pero a sua cabeza está no Sar.

"Gustaríame volver xogar ao máximo nivel do baloncesto, na Euroliga ou NBA, pero agora estou centrado no Obradoiro e como mellorar na liga. No futuro xa se verá".

Bender fixo estas declaracións tras recibir o premio como mellor xogador do mes de outubro.