Dous adolescentes morren en Alemaña ao manipular pirotecnia caseira
Dous mozos de 18 anos morreron durante as celcebración da Noitevella de Bielefeld tras estoupar os seus propios artefactos
Restos de artefactos pirotécnicos en Berlín (REUTERS/Maryam Majd)
Dous adolescentes de 18 anos morreron durante as celebracións de Noitevella ao ser vítimas de senllas explosións de obxectivos pirotécnicos caseiros na cidade alemá de Bielefeld, no oeste do país centroeuropeo, informou este xoves a Policía."Os dous mozos de Bielefeld, ambos de 18 anos, utilizaron sen control os seus propios dispositivos pirotécnicos de fabricación caseira en diferentes lugares" da cidade, indicou a Policía nun comunicado emitido esta madrugada.
"Sufriron lesións mortais no rostro", precisou o comunicado policial, no que os investigadores apuntaron que en ambos os incidentes non se sospeita que haxa "culpa allea en ningún dos dous casos".
En Alemaña, é tradición que nas festas de Noitevella moitos cidadáns lancen ao aire obxectos pirotécnicos, un costume que xera debate cada ano polos perigos que entrañan manexar eses produtos, especialmente cando se dá un uso inadecuado.
