División en Colombia pola condena a doce anos de prisión contra Álvaro Uribe
O expresidente apelará contra unha sentenza que cualifica de política
A condena a doce anos de prisión domiciliaria contra o expresidente Álvaro Uribe por un delito de suborno e outro de fraude procesal profunda a división existente en Colombia. Uribe xa anunciou que vai apelar contra o que considera unha sentenza política.
A condena contra un dos políticos máis populares da dereita colombiana levou ás rúas os seus partidarios, que denuncian unha persecución político-xudicial, e os seus detractores, que consideran a decisión como esencial na loita contra a impunidade.
Prisión domiciliaria
A xuíza condenou a Álvaro Uribe a doce anos de prisión, unha multa de case 800.000 euros e oito anos de inhabilitación, por un delito de suborno e outro de fraude procesual.
O xulgado ordenou a detención do expresidente, aínda que lle permite que cumpra a condena arrestado na súa casa. Álvaro Uribe confirmou que o próximo día trece presentará a apelación contra a sentenza condenatoria.
.png)
