Dez caras novas no Deportivo para lograr o ascenso

O domingo comeza a liga para o Deportivo feminino. As xogadoras que dirixe Irene Ferreras reciben o Raio Vallecano nunha temporada en que o grande obxectivo é lograr o ascenso á máxima categoría.

É unha nova era no Deportivo Abanca. Ata dez caras novas no campo e novo corpo técnico ao mando da adestradora madrileña Irene Ferreras. Entre esas fichaxes está Carlota Suárez, chamada a un papel relevante. Vén do Oviedo coa misión de achegar goles.

"O equipo vai xogar moi ben. É un equipo que move a pelota con sentido e que vai ser bonito de ver".