Detido un menor por apuñalar a outro nun instituto de Madrid

Un menor de 15 anos apuñala un compañeiro da mesma idade nunha clase de educación física no interior do IES Alonso Quijano, en Alcalá de Henares (Madrid). O agresor, que xa foi detido pola Policía Nacional, apuñalara polas costas o outro alumno cun coitelo de cociña de 10 centímetros de folla, provocándolle feridas leves.

Os feitos ocorreron este martes ás nove menos cuarto da mañá, pouco despois do inicio da xornada de clase. 

As primeiras pescudas apuntan a que a agresión estivo motivada por unhas rifas entre os dous menores, pois fontes próximas á investigación sinalaron  que o suposto agresor declarou que o fixo porque a vítima ríase del e propináballe varias collejas en días anteriores.

O arrestado foi trasladado ás dependencias da Unidade de Atención á Familia e Muller (UFAM) de Alcalá.

Os sanitarios do Summa 112 atenderon o menor e trasladárono ao Hospital Universitario Príncipe de Asturias de Alcalá.

Trátase do segundo apuñalamento que se produce nun instituto español no día de hoxe. O outro caso foi na localidade de Alberic (Valencia).