Detido o mozo da muller embarazada que morreu dun disparo en Castelló
Detido o mozo da muller embarazada que morreu dun disparo en Castelló
A policía considera que hai indicios suficientes de que disparou a arma de forma accidental durante unha pelexa.
Falece a muller embarazada de Castelló que recibira un disparo na cabeza
A policía arrestou na tarde deste xoves o marido da muller lituana que faleceu dun tiro na cabeza en Valencia.
A muller, de 28 anos, estaba embarazada. Os médicos conseguiron salvar a vida do bebé practicándolle unha cesárea.
Os axentes agardaron a que acabara o enterro da vítima para facer o arresto.
A policía considera que hai indicios suficientes de que disparou a arma de forma accidental durante unha pelexa na rúa entre un grupo de persoas..
O suceso produciuse sobre as 23 horas do luns no barrio Carbonaire da localidade castellonenca da Vall d'Uixó.
A falecida, de 28 anos e nacionalidade lituana, foi trasladada inicialmente a un centro de saúde da localidade e posteriormente, en estado crítico, ao Hospital Clínico de Valencia, onde se lle practicou unha cesárea para salvar o bebé.
O meniño está ingresado no mesmo centro e estable.
Ao parecer, durante a liorta producíronse dous disparos sen que a vítima fose o obxectivo dos mesmos, polo que, 'a priori', non se investiga o suceso como unha agresión machista.