Detida en Ourense por roubar bolsos e usar as tarxetas bancarias das vítimas

 A Policía Nacional de Ourense detivo unha muller como presunta autora de tres delitos de furto e dous de estafa tras facerse con bolsos en establecementos e usar as tarxetas bancarias das vítimas.

Segundo informou a comisaría provincial, os furtos producíronse no mes de marzo en dous establecementos de hostalería da cidade. Outras tres persoas atópanse investigadas por estes feitos como receptores do diñeiro.

A investigación iniciouse por mor de que os axentes comprobaron que a muller utilizaba o mesmo modus operandi, consistente en realizar furtos ao descoido de bolsos que portaban as vítimas en establecementos de hostalería para posteriormente facer uso das tarxetas subtraídas "con celeridade" mediante extraccións e transferencias de diñeiro, antes de que a vítima procedese á anulación das mesmas.

Durante as pescudas, os investigadores comprobaron que os receptores das transferencias realizadas tiñan como destinatarios tres persoas diferentes e residentes en distintas localidades do territorio español, aos que igualmente se lles imputa a cada unha delas un delito de estafa.