Desirée Vila, Medalla de Ouro do Mérito Deportivo do CSD
Desirée Vila, Medalla de Ouro do Mérito Deportivo do CSD
É un recoñecemento polos "logros no atletismo paralímpico e a súa proxección no deporte inclusivo"
A atleta de Gondomar Desirée Vila foi galardoada coa Medalla de Ouro da Real Orde do Mérito Deportivo que concede o Consello Superior de Deportes polos seus "logros no atletismo paralímpico e a súa proxección no deporte inclusivo".
O presidente do Consello Superior de Deportes, José Manuel Franco, será o encargado de entregar o venres 2 de decembro a medalla a Desirée Vila, unha deportista que, aos seus 24 anos, é unha das atletas paralímpicas españolas con maior proxección.
A entrega deste recoñecemento prodúcese no marco da estratexia 'Iguais no deporte' impulsada polo CSD e da celebración do Día Internacional das Persoas con Discapacidade, o vindeiro sábado, 3 de decembro.