Denis Suárez: "O club ten que dicir claramente por que non se conta comigo"

Denis Suárez visitou os futbolistas do futuro, os rapaces do seu campus. Está moi tranquilo, agardando unha oferta para marchar, pero ten que ser unha oferta que lle agrade. É un máis nos adestramentos do Celta, aínda que é consciente da súa situación.

Denis considera inxusto o trato que está a ter o Celta con el: "O club ten que dicir claramente por que non se conta comigo. Ofrecinme a negociar sen intermediarios", dixo o de Salceda de Caselas á Televisión de Galicia.