Defensa recoloca "temporalmente" os militares españois en Iraq pola crecente inseguridade
Ministerio de Defensa recoloca ao Grupo de Operacións Especiais encadrado na Coalición Internacional de loita contra o Daesh (SOTG) en Iraq
Amais da inseguridade da zona, Defensa argumenta que a situación lles imposibilita "continuar desenvolvendo os labores asignados"
"Este re-despregamento realizouse en estreita colaboración coas autoridades iraquís, contando co apoio da Coalición", engade o comunicado de Defensa.
Imaxe de arquivo. Ministerio de Defensa
O ministerio de Defensa decidiu recolocar "temporalmente" ás forzas especiais destacadas en Iraq ante a crecente inseguridade por mor da guerra.
Desde Defensan dan como argumentos a "deterioración da situación da seguridade" e "a imposibilidade de continuar desenvolvendo os labores asignados". Din que esta situación obriga ao Ministerio de Defensa a "recolocar" ao Grupo de Operacións Especiais encadrado na Coalición Internacional de loita contra o Daesh (SOTG) en Iraq.
"España determinou a recolocación temporal do Grupo de Operacións Especiais (SOTG) destacado en Iraq" ante a deterioración da situación por mor da guerra en Irán, sinala unha nota do Ministerio.
"Todos os militares do SOTG, encadrados na Coalición Internacional de loita contra o Daesh xa se atopan en lugares seguros" á espera "da evolución da situación", engade.
"Este re-despregamento realizouse en estreita coordinación e colaboración coas autoridades iraquís, contando co apoio da Coalición e mantendo sempre informados os nosos países amigos e aliados", engade o comunicado de Defensa.
"O compromiso de España coa Coalición Internacional e coa estabilidade de Iraq permanecen inalterables, pero a volatilidade e fraxilidade da situación na zona obrigan a tomar esta decisión para garantir a protección das nosas forzas", conclúe.
