Deteñen dúas mulleres en relación ao crime do Barco de Valdeorras
Deteñen dúas mulleres en relación ao crime do Barco de Valdeorras
O suposto homicidio tivo lugar o pasado setembro nunha vivenda dese municipio
O caso atópase baixo segredo de sumario
Dúas mulleres foron detidas como sospeitosas do suposto homicidio doutra muller nunha vivenda do municipio ourensán do Barco de Valdeorras. As detidas son dúas mulleres de nacionalidades nixeriana e brasileira, presuntamente implicadas no crime.
O corpo sen vida da vítima fora achado o pasado 10 de setembro con signos de violencia. A falecida era de Paraguai, Leticia Magalí Sanabria, e ata o momento descoñécese o móbil do crime.
As detencións foron levadas a cabo por axentes da Garda Civil en servizo de Policía Xudicial baixo a chamada operación Horus.
O Xulgado de Instrución do Barco de Valdeorras e a Fiscalía Provincial de Ourense levan a investigación do caso, que se atopa baixo segredo de sumario.
