Galicia podería clasificarse na Copa das Rexións por unha aliñación indebida de Andalucía
Un dos xogadores de Andalucía, Ángel Martínez, non cumpría a normativa para disputar a competición
No segundo partido da fase empatou 2-2 con Castela e León
A selección galega podería clasificarse para os cuartos de final da Copa das Rexións por unha aliñación indebida de Andalucía. Foi no primeiro partido desta primeira fase no que a selección galega caeu por 2-1 pero presentou un recurso porque o número 3 dos andaluces, Ángel Martínez Montesinos, non cumpría os requisitos para poder participar na competición. O Comité de Competición xa lle deu a razón á Federación Galega e agora haberá que agardar polo que diga o Comité de Apelación no caso de de Andalucía presente recurso.
No segundo partido Galicia empatou (2-2) con Castela e León, un resultado que os tería eliminado de non ser por esa aliñación indebida que lle daría o partido como gañado por 3-0 e o primeiro posto ao combinado galego.
