Continúan os ataques con candorcas nas Rías Baixas
Un dos últimos incidentes teríase evitado se o patrón do veleiro escoitase as recomendacións dos biólogos
Continúan as incidencias con candorcas nas Rías Baixas. O último ataque foi este domingo na ría de Vigo. O veleiro Moya tivo que ser escoltado ata Baiona.
Tamén o sábado un veleiro con patrón ucraíno, o Seika, recibiu un impacto doutros dos animais; neste caso o home fora alertado do perigo por un grupo de obvservadores de cetáceos, pero non fixo caso e seguíu camiño de Baiona.
Entre tres e catro interaccións con veleiros e candorcas houbo esta fin de semana, algunha delas con danos nas embarcacións.
Os científicos teñen localizadas un grupo de oito candorcas lideradas pola avoa Toñi. O domingo deixaron sen timón ao Moya que foi remolcado ata o porto deportivo que está no centro de Baiona.
Outro incidente ocorría tamén o sábado e puídose evitar xa que o grupo de estudo para os cetáceos BRDI alertou os participantes na regata Ignacio Montenegro da presenza de candorcas.
Ao mediodía esta embarcación, o Seika, foi golpeada e perdeu o timón. Hoxe repousa no Náutico de Pedras Negras.
Os biólogos aconsellan precaución, reducir ruídos e velocidade e mellorar as condicións de navegabilidade dos veleiros.
A avoa Toñi, a xefa da manada presentou nove disparos nunha das súas aletas. Curisosamente as candorcas apenas atacan barcos e pesca e si veleiros.
