Conducían cun bebé no colo e con xente sentada nas xanelas do coche

Celebraban as festas da localidade salmantina de Garcibuey e, nunha caravana de coches, acompañaban un camión que ía buscar un touro para lidar. Colgaron os vídeos nas redes sociais e a Garda Civil axiña deu con eles.

A mesma persoa que fixo unha das gravacións levaba medio corpo de fóra da ventá do copiloto, mentres o condutor ía cun neno no colo, sen cinto e cunha nena ao seu lado.

As infraccións de tráfico cometidas foron múltiples: un coche transportaba varias persoas no maleteiro aberto e outro vehículo adiantou nunha curva de visibilidade reducida. Por todo isto,  abriron unha investigación e formularon varias denuncias.