Cargando resultados...
Concentracións en defensa da Atención Primaria nunha vintena de localidades
Convocados por SOS Sanidade Pública piden que a Xunta aprobe a iniciativa lexislativa que se vota o 9 de maio no Parlamento
G24.gal
26/04/2023 20:34
Última actualización 26/04/2023 21:17
A plataforma SOS Sanidade Pública volveu saír hoxe á rúa en distintos puntos de Galicia para defender a iniciativa lexislativa popular que pide fortalecer a Atención Primaria.
A iniciativa estase tramitando no Parlamento e debaterase o próximo 9 de maio.
A plataforma esíxelle á Xunta que a aprobe e argumenta que contén todas as medidas recomendadas polos expertos para resolver os problemas da sanidade galega.
Centos de persoas asistiron ás convocatorias de protesta en máis dunha vintena de localidades.
