Claudio Giráldez: "Haberá moita xente alegre polo empate, eu non"

Claudio Giráldez, adestrador do Celta de Vigo, considerou inxusto o empate do seu equipo ante o Vilarreal, a pesar de que os seus igualaron o choque no minuto 93 cun tanto de Borja Iglesias.

"Teño a sensación de que outra vez perdemos puntos. Fixemos moitas cousas moi ben", sentenciou.

Sinalou o técnico que "é un momento da tempada para non pensar excesivamente en puntos, se non pensar en sensacións, en como estamos a actuar, se estamos nunha liña ascendente ou descendente".

Claudio Giráldez asegurou irse "moi contento do partido que fixemos, moi orgulloso do equipo. Non fai falta ser subxectivo para dicir que o partido é claramente para que o gañemos nós en méritos e en golpes aínda que isto non importe nada no fútbol.

"Haberá moita xente que se vai con sensación de alegría por empatar o partido, eu non".

"Fixemos unha primeira parte, baixo o meu punto de vista, soberbia, manipulando totalmente o partido, sendo capaces de roubar alto, defendendo moi ben en transicións cun equipo que chegaba líder destacado”, afirmou.