Chegan os descontos do Black Friday, ás portas da campaña de Nadal

Semana do Black Friday. Chegan os primeiros descontos dunha campaña que abre as portas ao Nadal. As previsións apuntan a que 1 de cada 4 consumidores adiantarán as compras do Nadal aproveitando os descontos que van dun 20 ata un 40 % do prezo do produto.

Cada vez son máis os clientes que organizan as súas compras pensando xa no Nadal e aproveitan os descontos en roupa, calzado e complementos, e tamén en tecnoloxía.

As asociacións de consumidores recomendan facer un seguimento dos prezos porque ás veces non é desconto todo o que se publicita.

Os estudos apuntan a que un de cada catro consumidores adiantará compras de Nadal nesta semana.