Carvalhal traballa contra o reloxo para reverter a serie do Celta

Consumada a remuda no banco do Celta, o equipo completou hoxe a segunda sesión de traballo ás ordes de Carlos Carvalhal. Pero dende o club agochan a imaxe do novo adestrador. Carlos Carvalhal asinou contrato por dúas temporadas e na canle do club quixo deixar algunha mensaxe para xogadores e afeccionados. 

O venres comparecerá por primeira vez ante os medios, na previa do encontro ante Osasuna que se xogará o sábado ás 18:30 horas. Será a oportunidade de preguntarlle polas súas impresións sobre o Celta e como pensa darlle a volta á mala xeira de resultados do equipo.