Carvalhal dá por bo o punto e desvela os problemas físicos de Aspas e Veiga

Na comparecencia posterior ao partido Carlos Carvalhal deu por bo o punto. O portugués recoñeceu que o Osasuna fora mellor durante o partido e que fixera máis merecementos para gañar. "Nós tivemos a ocasión de Gabri Veiga na segunda metade pero tería sido inxusto polos merecementos do rival", recoñeceu Carvalhal.

Tamén dixo que a semana resultou difícil en termos de preparación do partido polas molestias físicas de Gabri Veiga e de Iago Aspas, os dous referentes do conxunto vigués.