Máis traballo nas tendas de traxes tradicionais cando chegan as Letras Galegas

Nas datas previas ás Letras Galegas ou antes do Apóstolo, as tendas de traxes tradicionais teñen más traballo, e non só polos clientes que veñen de asociacións folclóricas. Nos últimos anos vanse achegando os que queren estas pezas para vestir de rúa.

O traxe tradicional afonda na nosa cultura. Pasa de xeración a xeración. Adoita basearse en modelos antigos, en pezas moitas veces relacionadas coas tarefas que faciamos. Hai gran variedade, distintas maneiras. Pensar en que as saias voen é só unha delas.