Buscan con drons un ancián con problemas de mobilidade que desapareceu en Cangas
O octoxenario abandonou o seu domicilio ás 5 da madrugada e a súa familia non volveu saber del
O home padece problemas de saúde que lle dificultan camiñar, polo que podería atoparse preto da casa
A Axencia Galega de Emerxencias busca con drons un ancián con problemas de mobilidade que desapareceu en Cangas de Morrazo.
O 112 Galicia explica que a achega de drons responde a unha petición dos axentes da Garda Civil, que desde a mañá deste venres buscaba o desaparecido na parroquia do Hío.
O octoxenario abandonou o seu domicilio ás 5 da madrugada e a súa familia non volveu a saber del. O home padece problemas de saúde que posiblemente lle dificulten camiñar, polo que podería atoparse preto do domicilio.
Nesta procura tamén están a colaborar os membros do Servizo Municipal de Emerxencias de Cangas.
