Breogán e Obradoiro queren aproveitar a boa dinámica para achegarse á salvación

Logo da ilusión, chegan os deberes. Logo de que o Barcelona se lles escapase vivo aos breoganistas, o calendario devolve outra realidade, a da loita pola permanencia. Agarda un Betis con só dous triunfos, pero con argumentos como para facer un roto. O que máis o do máximo anotador da liga, Shannon Evans, último MVP da xornada. Os verdes e brancos perderon 7 dos últimos 8 partidos pero peor aínda estaban o ano pasado.

Para Veljko Mrsic, o seu rival "fixo un treito final da temporada pasada espectacular. Teñen un grandísimo adestrador". Pola súa banda, Luis Casimiro destaca que o Breogán "é un equipo moi sólido, e dos mellores equipos no rebote ofensivo."

O Obradoiro-Joventut que se vai vivir esta tarde fala de canastras no último segundo. Para lembrar a de Thomas Scrubb na liga pasada. Ou, máis acó, a dun exobradoirista, Henry Ellenson, para darlle a vitoria á Penya esta semana na Eurocup. Na liga gañou 6 dos últimos 7, a pasada semana ao líder Tenerife. Será a primeira cita tralo varapau da grave lesión de Bender, atenuada pola recuperación de Leo Westermann.

Guillem Vives cre que "se non entendemos o difícil que é gañar no campo do Obradoiro non temos nada que facer. Sen mentalidade e enerxía será difícil" Para Moncho Fernández, o Joventut "é un equipo moi bo polos puntos que fai, e son dos mellores da liga no rebote de ataque."

Os dous galegos xogan ás seis buscando precisamente que sexan seis as vitorias na súa conta.