Borja Iglesias afina a puntería antes de visitar o Celta

O Betis, grazas a un gol do santiagués Borja Iglesias na primeira metade, gañoulle 1-0 ao Athletic. Con este triunfo o cadro andaluz segue instalado nos postos europeos.

E o que quere dar un esprinte final para estar nesa situación na táboa é o Celta. Os de Coudet reciben precisamente os verdibrancos a vindeira xornada en Balaídos. Fekir, que foi expulsado nunha acción por cartón vermello directo, non poderá xogar ante os vigueses.

Onte o Celta perdeu contra o Vilarreal polo solitario tanto de Dani Parejo nun partido en que os vigueses tiveron opcións dabondo para rabuñar, como mínimo, un empate da Cerámica.