Besteiro defende a necesidade de volver situar as persoas no centro da acción política
O líder do PSdeG fai referencia na súa mensaxe de nadal ás listas de espera na sanidade, ás dificultades de acceso á vivenda, á falta de reforzos no ensino e á preocupación da mocidade polo seu futuro
O secretario xeral do PSdeG, José Ramón Gómez Besteiro, defendeu a política de escoita coa xente no centro como clave de futuro no seu discurso de Nadal.
O dirixente socialista sinala que o ano 2025 estará marcado polas dificultades cotiás, a incerteza e a necesidade de volver situar as persoas no centro da acción política.
Sanidade, vivenda e educación e incendios entre as principais preocupacións
A mensaxe inclúe referencias ás listas de espera na sanidade, ás dificultades de acceso á vivenda, á falta de reforzos no ensino e á preocupación da mocidade polo seu futuro.
O vídeo tamén aborda a problemática dos incendios forestais e outras cuestións que afectan á vida diaria da cidadanía.
Besteiro alude á dignidade da poboación galega e considera que existe unha desconexión entre a cidadanía e o Goberno do Partido Popular.
O líder do PSdeG reivindica a escoita como punto de partida e a política útil como ferramenta para ofrecer respostas aos problemas reais.
A mensaxe inclúe unha conversa entre Gómez Besteiro e a súa nai, como referencia ás súas orixes e ao seu compromiso político.
Segundo indica no discurso, o obxectivo pasa por encarar 2026 con máis reflexión, máis empatía e coa mesma idea de sempre: escoitar, compartir, acompañar e gobernar.
