Benítez e o estilo de Bordalás: "Sorpréndeme que aconteza isto na Liga"

Bordalás segue a facer amigos alí por onde vai. Desta volta foi Rafa Benítez o que cargou contra o estilo que emprega o Xetafe. "Faltounos gol e tempo, porque só se xogaron cincuenta minutos de máis de cen que durou o partido", comentou o adestrador celtista. 

"Claro que hai ansiedade, estar seguido parando o partido non é a mellor maneira de que teñas continuidade e iso xera nervios en calquera equipo", insistiu Benítez, que recalcou: "Veño dun fútbol (a Premier) onde isto non acontece. Sorpréndeme que siga pasando na Liga".

Bordalás tamén se queixou do árbitro pola expulsión de Domingos ou polo penalti asubiado a instancias do VAR por unha falta anterior cometida sobre Aleñá.