Beltrán porque marcha e Jutglá por motivo persoal, fóra da convocatoria
O adestrador non quixo profundizar na situación de Jutglá
O Celta recibe mañá o Raio Vallecano (18:30 hs)
Os galegos acumulan cinco xornadas sen perder
O Raio acadou unha vitoria nos nove últimos partidos de Liga
Nin Beltrán, nin Jutglá estiveron na última sesisón de traballo do Celta antes de medirse ao Raio Vallecano (domingo, 1830 hs). Beltrán porque está inmerso no seu traspaso ao Xirona e Jutglá por unha situación persoal na que o adestrador non quixo profundizar. "Que o explique el, é un tema persoal", aclarou Claudio Giráldez.
Claudio convocou a Hugo Burcio para o medio do campo e aclarou que hai outros xogadores en situación de poder saír. E todo un día antes de medirse a un rival complicado, de nivel europeo, que non se lle dá historicamente ben ao Celta. Certo é que o Raio chega con baixas notables e en horas baixas; un triunfo nos últimos nove partidos de Liga, pero -como ben nos ilustra Tomás Alonso na crónica- ben faría o Celta en non confiarse.
Un Celta que acabou esta primeira volta lanzado, con cinco xornadas sen perder e acariñando postos europeos. Cuns números de récord a domicilio, pero coa conta pendente da falta de fiabilidade como local.
Por certo, no adestramento asistimos á celebración do 33 aniversario de Borja Iglesias. Diremos aquilo de que "apandou" o Panda. Parabéns Borja!
Nestes termos se refería Claudio Giráldez a ausencia no adestramento e na convocatoria de Ferran Jutglá. Motivos persoais.
