Axentes de Tráfico participan nunha xornada de doazón de sangue

Coñecen de primeira man a importancia que as doazóns de sangue poden ter para salvar a vida dos feridos nun accidente. Axudan nas estradas e este mércores tamén achegan o seu gran de area.

Un xesto que realizaron hoxe de xeito altruísta numerosos axentes do acuartelamento do sector de Tráfico da Garda Civil en Galicia con sede en Perillo e os seus familiares, e ao que se pode sumar quen desexe.

Porque cada día precísanse entre 400 e 500 doazóns para cubrir as necesidades dos hospitais de Galicia.

Reservas que é importante ter cubertas todo o ano. Aínda que na época estival fanse especialmente necesarias polo incremento dos desprazamentos por estrada e tamén de accidentes que tratarán de previr os mesmos axentes que hoxe doan o seu sangue.