Avanzan as obras do futuro centro de protonterapia de Santiago

Avanzan as obras do futuro centro de protonterapia de Santiago, que vai supoñer un revulsivo no tratamento dos tumores máis complicados. Hoxe Xunta, Goberno e Fundación Amancio Ortega, que financia parte do centro, supervisaron eses traballos.

A escavación dos búnqueres para os equipos practicamente rematou e xa se traballa en superficie. A previsión é que comece a funcionar en dous anos. Vai ser o primeiro centro público de España que manexe protóns para atacar o cancro. Así conseguen máis precisión e reducen os efectos adversos nos tecidos e órganos sans que rodean o tumor.

O Conselleiro de Sanidade Antonio Gómez Caamaño concreta: "Fai unha técnica óptima para tratar nenos e nenas. E  tamén permite tratar pacientes que previamente foron tratados con radioterapia porque protexe moi ben todos os tecidos. E non só imos ser referentes para todos os galegos e galegas senón tamén para rexións limítrofes como Asturias, Castela e León e mesmo o norte de Portugal".