Autocrítica no vestiario celeste: "Temos que traballar para saír deste mal momento"
Fran Beltrán considera que se atopan nun momento clave na temporada
Iker Losada: "Estes partidos son os que deciden se estás arriba ou abaixo"
O vestiario celeste estaba moi amolado despois de perder en Mestalla diante do Valencia (2-1). Un dos capitáns, Fran Beltrán, falou claro para os micrófonos de Celta Media. "Non conseguimos sacar puntos desde que comezou o ano. Non estamos na merda nin antes estabamos tan ben. Hai que traballar para volver á senda en que estabamos. É un momento clave e temos que afrontar cada partido como se fose o último", comentou o centrocampista.
Iker Losada volvía vestir a camisola do Celta despois do seu paso polo Rácing e o Betis. O de Catoira estaba contendo por ese feito pero triste polo resultado, porque considera que este tipo de partidos "son os que acaban marcando se vas estar arriba ou pelexando por non estar abaixo".
