Atopan vivos os catro nenos que viaxaban nunha avioneta sinistrada na selva en Colombia
O sinistro da avioneta foi o 1 de maio
Atoparon os cadáveres de tres adultos
Os catro nenos, de entre 13 anos e 11 meses, son fillos dunha das falecidas no accidente
Encontráronos na selva e a familia aínda non ten detalles do que lles pasou
Aparecen os catro nenos dos que non se sabía nada dende que a avioneta en que viaxaban se esnafrara hai máis de dúas semanas na selva colombiana. Na nave estaban os cadáveres dos tres adultos que ían nela, dous homes e unha muller, que era a nai dos menores, pero non había nin rastro dos cativos, de entre 13 anos e 11 meses.
Agora confirmou o achado o presidente Petro. Con todo, á familia aínda non llo comunicaron, segundo lle dixo á prensa a avoa dos nenos, persoa clave nesta procura: unha emotiva mensaxe gravada por ela dirixida aos seus netos estivo sendo emitida estes días dende avións militares sobre a área da selva amazónica en que ocorreu o sinistro.
