As novas restricións na hostalería entran en vigor esta medianoite

A hostalería prepárase para aplicar as novas restricións que entrarán en vigor esta medianoite, entre as que está o pasaporte covid, que xa ten o visto e prace do Tribunal Superior de Xustiza de Galicia.

Lembremos que estas medidas foron acordadas esta semana polo Goberno galego e o sector para frear o ritmo de contaxios na nosa comunidade. Unhas horas antes da súa entrada en vigor, na rúa aínda atopamos algunhas dúbidas.