As empresas eléctricas piden prorrogar a vida útil da central nuclear de Almaraz

As tres eléctricas propietarias da planta, Iberdrola, Endesa e Naturgy formalizaron hoxe a súa petición para que se prorrogue a súa vida útil polo menos tres anos máis, ata 2030. 

Fano, din, porque consideran que as centrais nucleares son necesarias para evitar situacións como o apagamento do pasado mes de abril. O primeiro reactor de Almaraz está previsto que se apague en 2027. A petición das eléctricas é estender a vida útil da central estremeña ata o 2030, unha petición á que se suman os traballadores de todas as centrais españolas.

O Goberno mantén que para estudar a continuidade de calquera central nuclear débese garantir a seguridade das persoas, e da subministración, e que non supoña un custo para os cidadáns. Pero debe lidar tamén cun socio, Sumar, que considera o peche das centrais nucleares unha liña vermella que non se debe pasar e que está no acordo de investidura.