As bolsas caen polo temor á nova variante da covid

Caen as bolsas polo temor á nova variante do virus detectada en África. 

O Ibex perdeu máis dun 3 % nada máis arrancar a sesión, seguindo o camiño iniciado polos mercados asiáticos. E chegou a quedar por baixo dos 8.500 puntos. É a maior caída na bolsa española en case ano e medio.

Os valores máis castigados están relacionados co turismo e as viaxes. No resto de parqués europeos a tendencia é similar con caídas superiores ao 3 %, na maioría dos casos.