As asociacións prevén unha avalancha de alegacións e recursos xudiciais contra os proxectos eólicos
As asociacións prevén unha avalancha de alegacións e recursos xudiciais contra os proxectos eólicos
As plataformas contra os parques eólicos en Galicia manifestáronse este venres en Santiago
Consideran unha "invasión de macroproxectos eólicos, que minan Galicia"
A Asociación Eólica de Galicia, a patronal do sector, valora o "esforzo da Xunta" na emisión de declaracións de impacto ambiental
As plataformas contra os parques eólicos en Galicia manifestáronse este mediodía en Santiago polo que consideran unha "invasión de macroproxectos eólicos, que minan Galicia", agrupados baixo a plataforma Aldeas Libres de Macroélicos.
Denunciaron que o Goberno galego aprobou esta semana 30 declaracións de impacto medioambiental favorables para outros tantos proxectos. Cualifican este feito de atentado medioambiental.
Os representantes de diferentes asociacións e colectivos en contra dos eólicos en Galicia prevén unha avalancha de alegacións e recursos xudiciais contra as ducias de proxectos que van obtendo a luz verde nos últimos días, incluida "a vía penal" contra cargos da Administración.
Postura da patronal do sector
A Asociación Eólica de Galicia, a patronal do sector, valora o que cualifica "esforzo da Xunta" na emisión de declaracións de impacto ambiental. Son expedientes que levan entre un e dez anos en fase de tramitación.
O Goberno español fixou como data límite de prórroga o próximo 25 de xaneiro. Se nesa data non dispoñen da declaración, perden o permiso de conexión.
Neste sentido, a patronal eólica espera que o Ministerio para a Transición Ecolóxica acepte a súa demanda de que as autorizacións administrativas e a declaración de impacto se poidan presentar aos seis meses como contempla a lei galega.
Di que está en risco o futuro industrial de Galicia, moitos millóns de investimentos e cáse 4.000 megawatts de potencia eólica.