Arranca no Congreso o debate das emendas aos presupostos
ERC e Bildu aínda non desvelaron a súa postura
O BNG vai absterse
O Goberno parte con 164 votos favorables para os presupostos despois de que partidos como o PNV, Más País ou Coalición Canaria lle confirmasen o seu apoio. A priori, votos suficientes para sacar as contas.
Pero falta por saber a posición dos 18 deputados de Esquerra Republicana e Bildu, que se propoñen negociar ata o extremo.
Joan Margall, de ERC, di: "Imos seguir aproveitando as horas de marxe que nos quedan para intentar mellorar un acordo que de momento non está pechado".
O Bloque Nacionalista Galego anuncia a súa abstención.
Néstor Rego, do BNG, di: "PSOE e Unidas Podemos non cumpriron con Galicia e néganlle ao noso país o que é de xustiza".
Polo momento, 159 nons
Enfronte dos sis, o Goberno ten asegurados 159 nons do PP, Vox, Ciudadanos, a CUP ou Junts.
María de los Llanos de Luna, do PP, afirma: "Rexeitaron as nosas 3.400 emendas, o que reflicte o seu sectarismo".
Iván Espinosa de los Monteros, de Vox, di: "Vostedes estanse dando un festín de gasto público, e pásanlles a factura aos cidadáns".
A votación definitiva dos presupostos será o xoves. Ese mesmo día tamén se abre no Congreso o debate sobre a reforma do delito de sedición.
E a Cámara pronunciarase tamén sobre a lei que crea impostos extraordinarios ás rendas máis altas e ás grandes empresas.
